لا ياخوي هذي القصيده ماقالها بن سند وهو مروح لسر على ظهر ناقته
هذي سالفه كان بن سند مرسل السيد على شأن يخطب له بنت يوم شاف البنت السيد واعجبته
قلب الضاقه نجديه خطبها له وتزوجهال وليلة الدخول ارسل بن سند العبد حقه وعطاه قصيدة قال عطها السيد
قبل يدخلون العروس عليه على شأن تصوعه بالقصيدة
قال بن سند في قصيدتة ::
ابدي بمن يطلع بأحوال ماتظهر *** يزيد العطاء عندة الاسرار مكنونه
ويعيننا نهار لطين والمنشر ***** ويعزنا لا تجي نفسي في مهنونه
ومن يقاعد عيال ابليس مايظفر **** ومن يعز العرب شفهم يعزونه
وبعد بالله يالي هاوي المنشر **** امرخ كرور الزيادي فوق مصيونه
اسرح من جعاروت قبل الفجر يظهر *** وقبل تبدي شغوب الوقت وشطونه
من يوم تدبر على الرمل كنها الصعمر *** من الرمل ماهي على الاغصان مرصونه
من يوم تدبر على اهل الدحقه اتخبر **** لي خصمهم في الملاقي سم يسقونه
واعبر بها الحزم وانت خاطرك مستر **** لي حلها العدرسي يالله اتصونه
شبام اللي تعالى خيرها والشر **** شبام لي بالكثيري دوب ممحونه
ساعات فايد وساعه منها يخسر **** والنصر من عند ربك يخلف ظنونه
وانزل حصون ال زيمه للعرب مهدر **** من جاء الى عندهم عطشان يسقونه
عد الجواده طريقك خلها بالمر **** وتقول سرحان والرميان يحدونه
تظهر لك مصانع زبينه في معالي سر**** كمن مشيد رفيع السمك يعلونه
مقصدك للمعيود على الفتى تخبر **** عبدالله الي معه ساده يعينونه
وجدودة اهل الكرم لي بحرهم يزغر *** من قادم الوقت لهم وزنات مازونه
حبيب بشكي بخوصي وانت تحزر **** تقطع على الفصل وان شفرتك مسنونه
عيني على نوب عامد راس حيد ازور **** جملة قنص قد طووا لشباك من دونه
لا التفى لي على المدخل ولا المندر **** ياسعد منهم على جاله يشفوفونه
جعده حبيشي قسم الليل لا غدر **** وتقول كفل الشبك لي بايمدونه
وعيون به زاد مثل الزاهر الانور **** ومن العيون الظمانه يالله تصونه
واظراس متراسله في وسط وشم اخضر *** مغززه كنه الا سبي يسبونه
ولبطن طاقه حرير اخضر من الاصفر *** واهله في الرخص ماطاعوا يبيعونه
والزين لوبايقع لي باترك المنشر ***** ولو قليل الدراهم مايحبونه
باسير للهند وبرجع سعف من بدر *** مخيطه كسا لجواد يعطونه
من قمت لاحزمتي فوطه ولا محسر **** بالرأس دسمال والعصره مصبونه
مصراي بيدي بمسي كيل من مجهر *** عندي صحابي كمن هيج يصفونه
ساعة مافقع على التبشوم بالمذخر *** واذرع قديمي وله حدين مسنونه
والفي صلاتي على بوفاطمه لاخر **** عليه صلوا عدد ماهشت مزونه
رد بن سند الجواب مع العبد وقال له لا شفت بن سند قام بايصلي الفجر اعطه القصيده على شان تشرق الشمس وهو يفكر في القصيده
وقال بن هاشم
يقول الفتى بو مسلم دوب متسلي=القلب مشطون اما النفس محنونه
صغير السن سمسر بي قطب قلبي=وعادها زادت امه كحلت عيونه
حين يقبل كما قرط الذهب مجلي=وخمس تعشر خدم في الدار يجلونه
جعده حبيشي غدق اسود من الكحلي=ربا محاليل مطروحه على متونه
والبطن طاقه حرير اخضر من الاصلي=واهله في الرخص ماطاعوا يبيعونه
وفخوذ بطيخ من الاصفر وهو مسقي=مابينهن قفل ماطاعوا يفكونه
حيطت بساتين السيد وذا الكفلي=ومن العيون الضمانه يالله اتصونه
وبعد نازل الى المسجد وباصلي=ذنه باشه معه عسكر يقودونه
وقلت يافايق الغزلان وقف لي=بعطيك بيتين في الميزان مازونه
جوب علي قال لواصلك كما اصلي=بانعطي العز والناموس قانونه
جوبت قلت ماحد في الهوى مثلي=لاقد تعنيت جبت الوعل بقرونه
فصك بيدي وطلع بي قصر متعلي=وجاب عطرة وماء ورده وصابونه
وقال ياخل لولا يعلموا اهلي=اهلي من علموا بحد شفهم يذكونه
وقلت مايعلموااهلك ولااهلي =بحضر سمركم وبسمع ماتقولونه
والختم على بوفاطمه باصلي=عليه صلوا عدد آيات مكنونه
