قصيده من اجمل القصائد النبطيه للشاعر الشيخ تركي بن حميد

ا ما حلا يا عبيد في وقت الاسفار
جر الفراش وشب ضو المناره
مع دلة تجذا على واهج النار
ونجر ٍ ليا حرك تزايد عباره
في ربعة ماهيب تحجب عن الجار
لا من خطو اللاش ما شب ناره
النجر دق وجاذب كل مرار
ما لفه الملفوف من دون جاره
واخير منها ركعتين بالاسحار
لا طاب نوم اللي حياته خساره
تلقاه في يوم يضيعن الافكار
يوم على المخلوق ما طول نهاره
قم في قصير البيت حشمة ومقدار
لو جار فأدمح له ولو به خساره
ترى النبي وصى على الجار لو جار
خذ الحذر ياعبيد عقب النذاره
رافق قوي الدين حفاظ الأسرار
ينفعك في يوم تجي به كراره
ترى الهوا والغي هن شر الأشرار
ومن داس عار الناس داسوا لعاره
جنّب ردي الكار ما فيه تعبار
ما فيه من فعل المناعير شاره
جنب عنه خله لقصاف الأعمار
واحفظ وصاتي يارفيع المناره
واسلم ودم بالخير ياطير غيمار
وصلو على المختار ما غار غاره

تسسلم على هذي القصيدة الجزله وتقبل مني الود
قصيدة في منتهاء الذوق اهنيـك على ذائقتك

تسلم اخي عطر الموده على المرور الكريم
شرفني مرورك وردك على متصفحي

قصيــده جـزلـه من شاعـر جزل

سلمـت آنآملك على النقـل الرائع

الف شكر اخي رائد بن حريز على المرور الكريم

قصيده جميله من شخص اجمل قواك الله

واحفظ وصاتي يارفيع المناره
واسلم ودم بالخير ياطير غيمار
وصلو على المختار ما غار غاره

كلمات حلو تسلم يمين من نقلهاا

تقبل مروري[size=18][/

size]