لا تعذر بالظروف

مدّيت لك كفّ الرجا، واقفيت ما كنّك تشوف
بغيت اعمّر ديرة وصالك..، وقلبك ما بغا

واليوم جيت تبرّر البعد، وتعذّر بالظروف!
وش لي بك وعينك تمنّت غيري، وقلبك صغا

للحاسد اللي هدّم صروح الاماني بالحروف
اللي لاجا للغْو فرصة بين خلق الله لغا

الأوّله طافت.. وحطّ فـ بالك ان ذي ما تطوف
والباغي ليامن لقا له من يردّه ما بغا

ما يِرجع اللي راح دمعات المحاجر والحلوف
ذنبك على جملة مشاعر خافقي صوبك طغا

ما كنّك إلا من قصيدة خاطري بيت محذوف
جيت انشره.. واعترْضت لجان الرقابة..، وانلغا

لا تشكي هموم الحياة، ولا تعذّر بالظروف
ليا بغا قلبك تجي...، لكنّ قلبك ما بغا

سلمت على النقل الجميل

قصيده في قمــة الروعـه سلمت آنآملك